Ef þú þarft frekari stuðning getur þú leitað til forvarnaráðgjafa. Hann svarar fyrirspurnum, veitir leiðbeiningar og hjálpar þér að finna réttar leiðir að bættri líðan og aukinni vinnufærni.
VIRK í starfi
Þjónustuleið í VIRK sem styður einstaklinga og stjórnendur í að kortleggja og efla vinnufærni – áður en vandinn verður of stór
VIRK í starfi er í þremur skrefum- við förum með þér alla leið
1. Taktu stöðuna
Hér á forsíðu Velvirk finnur þú Velvirk-skalann og Velvirk-spjallið – gagnvirkt tól sem gefur ráðleggingar út frá þínum aðstæðum, hvort sem þú ert starfsmaður eða stjórnandi. Í Verkfærakassanum finnur þú auk þess gagnlegar leiðbeiningar til að auðvelda samtöl og skipulag á vinnustað.
2. Fyrirspurn til ráðgjafa
Veitum fræðslu og ráðgjöf sem stuðlar að bættri líðan starfsfólks og betra vinnuumhverfi.
Þjónustan felur í sér:
- Ráðgjöf til stjórnenda varðandi líðan starfsfólks.
- Fræðsla um forvarnir, vinnuumhverfi og vellíðan starfsfólks.
- Kynning á einstaklingsþjónustu forvarnarsviðs.
Viltu vita meira?
Sendu tölvupóst á forvarnir@virk.is
3. Einstaklingsþjónusta samhliða vinnu
Þegar úræði á vinnustað hafa ekki skilað tilætluðum árangri og þörf er á sértækari stuðningi, er boðið upp á VIRK í starfi einstaklingsþjónustu – Ekki er þörf á beiðni læknis.
Hvert mál er einstakt og felur þjónustan í sér ráðgjöf og úræði, hvar sem er á landinu. Þjónustan er að meðaltali veitt í þrjá til fjóra mánuði samhliða vinnu og krefst áhuga og vilja bæði starfsmanns og vinnustaðar.
Viðmið fyrir þjónustu:
- Einstaklingur er á vinnumarkaði.
- Farið að bera á erfiðleikum í vinnu. Einstaklingur veldur starfi sínu ekki eins vel og áður og farið að draga úr afköstum og gæðum.
- Vægur til miðlungs heilsutengdur vandi eða farið að bera á auknum erfiðleikum í vinnu.
- Áhugi og vilji bæði einstaklings og vinnustaðar að nýta þjónustuna.
Ef þú telur þörf á þessari þjónustu er best að byrja á að senda fyrirspurn á ráðgjafa